Brann- og redningsskolen søkjer einingsleiar for Naudalarmering med arbeidsstad i Stavern. Eininga i Stavern er under omorganisering og skal ha eigen leiar som har ansvar for skulen sin høgare yrkesfaglege utdanning og kurs innan naudalarmeringsfaget. Einingsleiaren har ansvar for planlegging, gjennomføring og vidareutvikling av skulen si utdanning og opplæring innan naudalarmtenesta, med særleg vekt på kvalitet i det pedagogiske og faglege arbeidet. 

Som einingsleiar vil du ha personal-, fag- og resultatansvar for eininga sine medarbeidarar, og bidra til å sikre kvalitet og relevans i utdanningstilbodet. Eininga vil ha ansvar for skulen sitt tilbod innan kurs og fagskuleutdanning, og du vil samarbeide tett med både seksjonssjefar og andre einingsleiarar. Du vil òg ha ansvar for koordinering av faglege aktivitetar, ressursdisponering og samarbeid med andre einingar ved skulen. Det ligg undervisning til stillinga. 

Ansvar og arbeidsoppgåver    

• leie og utvikle eining naudalarmering med personal-, fag- og resultatansvar. 
• sikre at studentar og kursdeltakarar oppnår måla i studieplan og kursplanar. 
• planlegge, utvikle og kvalitetssikre studie- og emneplanar, timeplanar og eksamen. 
• sikre kontinuerleg utvikling i samsvar med lov, forskrift og skulens kvalitetssystem. 
• samarbeide tett med leiargruppa i seksjon kurs og opplæring, og seksjon høgare yrkesfagleg utdanning. 
• samarbeide tett med kollegaer og eksterne samarbeidspartnarar. 
• administrative oppgåver. 
• sikre pedagogisk kvalitet i undervisninga. 
• leie kurs og undervise i naudalarmeringsfaget. 

Kvalifikasjonar    

Du må ha: 

• bachelorgrad innan relevante fag. Særs relevant erfaring kan erstatte kravet om bachelorgrad. Utanlandsk utdanning må være godkjent av Direktoratet for høgare utdanning og kompetanse. 
• erfaring med å leie personell, prosjekt eller fag. 
• god skrifteleg og munnleg framstillingsevne på norsk. 
• svært god digital kompetanse og god systemforståing. 

Me ønsker at du har: 

• pedagogisk utdanning eller erfaring frå å drive pedagogisk utviklingsarbeid.  
• erfaring frå arbeid i naudalarmering, til dømes 110-sentral, AMK, politi eller annan relevant vaktsentral. 
• utdanning innan leiing. 
• erfaring som skuleleiar. 
• utdanning innan naudalarmering. 
• erfaring med arbeid etter lov- og avtaleverk og krav som vert stilt ved å arbeide i offentleg forvaltning. 

Forventingar til deg som leiar: 

Medarbeidarane er DSB sin viktigaste ressurs. I leiarstillinga får du ansvar for eit stort spenn av oppgåver, og for å levere tenester innan ulike saksfelt. Du må difor være utprega samarbeidsorientert, følge opp medarbeidarane dine, gje dei tilbakemelding, og stimulere til utvikling aleine og saman med kollegaer. 

Som leiar i DSB, skal du bidra til at me er ein moderne og profesjonell organisasjon, som leverer på samfunnsoppdraget vårt. Du må vera målbevisst og flink til å kommunisere både internt og eksternt.  

Vilkår    

• årsløn frå kr 785 000 – 920 000 som avdelingsleiar (stillingskode 1407). 
• medlemskap i Statens pensjonskasse (SPK). Som medlem får du svært gode vilkår kring pensjon, forsikring og bustadlån. Les meir om medlemsfordelane på www.spk.no.    
• spanande arbeidsplass med høg fagleg kompetanse og dyktige kollegaer i eit tverrfagleg miljø. 
• høve til å delta på relevante kompetansehevingstiltak både internt og eksternt. 
• BRSK er omfatta av særavtale om fleksibel arbeidstid.  
• høve til å trene i arbeidstida. 

Om stillinga og eininga 

Undervisninga til skulen i naudalarmfaget er under omorganisering og skal etablerast som eiga eining. Me søker no ein svært samarbeidsorientert leiar til å bygge opp den nye eininga. Eininga vil få ansvar for både kurs og høgare yrkesfagleg utdanning og har seks tilsette.  

Som einingsleiar får du personal-, resultat- og fagansvar for våre tilsette ved eininga i Stavern, og du vil ha arbeidsstad Stavern. Nokre kurs eininga har ansvar for, vert gjennomført på Brann- og redningsskulen sin lokasjon på Fjelldal. Du må rekne med noko oppmøte på Fjelldal. Rolla inneber tett samarbeid med naudmeldesentralar, naudetatar og andre aktørar innan beredskap og samfunnstryggleik. Stillinga krev evne til heilskapleg tenking, samarbeid på tvers av fagområde og forståing for korleis utdanning og opplæring kan bidra til å styrkje naudalarmtenesta si samla kompetanse. 

Om Brann- og redningsskulen    

Oppgåva til Brann- og redningsskulen er å utdanne det beste personellet til brann- og redningsvesen og naudmeldesentralar i landet. Me tilbyr eit breitt utval av kurs, blant anna i brann og redning, førebygging, naudalarm, oljevern og leiing. I januar 2024 opna me ei toårig fagskuleutdanning for dei som skal jobbe heiltid i beredskap, med førebyggande brannvern eller som operatør på ein naudmeldesentral for brann og redning. Brann- og redningsskulen er ein del av Direktoratet for samfunnstryggleik og beredskap (DSB).  

Skulen ligg på Fjelldal og med ei eining på Stavern. Me tek imot 160 nye studentar og over 1000 kursdeltakarar i året. Saman skal vi bidra til at landets brann- og redningsvesen har mot til å tore, og kunnskap til å handle, når det verkeleg gjeld.   

Les meir på: www.brsk.no  

Kontaktperson seksjonssjef Bjørn Steinar Røvik med e-post bjorn.rovik@dsb.no og mobil 971 60 416.

Offentleg søkjarliste  
Me utarbeider offentleg søkjarliste når søknadsfristen går ut. Opplysningar om søkjaren kan bli gjort offentleg sjølv om søkjaren har bedt om å ikkje bli ført opp på søkjarlista, jf. Offentleglova §25.   
   

Praktisk informasjon om søknadsprosessen  
Gjennom både søknadsbrev og CV må du vise korleis kompetansen din fyller kvalifikasjonskrava som er skildra i utlysinga. Det er viktig at du registrerer all relevant utdanning og erfaring i profilen du lagar i rekrutteringssystemet. I tillegg ber me om at du lastar opp både søknadsbrev og CV som vedlegg i PDF-format. For å jobbe i DSB må du vera vera skikka tryggleiksmessig og medverke til ein god kultur for tryggleik. Les meir om tryggleik i DSB på heimesida vår.  Bakgrunnssjekk vert gjennomført. Interne søkjarar må sende inn søknaden i DFØ HR.